حساباتك كلها على موبايلك،
وكشف الحساب واتساب في ثانية
العملا والموردين والفواتير والخزنة والمخزن، من غير دفتر ولا ورق. وبيشتغل حتى من غير نت.
لو حصلك حاجة من دول، البرنامج ده معمول علشانك
مشاكل كل تاجر مع الدفتر:
«أنا دافعلك الأسبوع اللي فات!»
ابعتله كشف حسابه بالتاريخ والمبلغ في ثانية، والكلام يخلص.
«الدفتر اتقطع… اتبل… ضاع»
حساباتك محفوظة ومتشفرة، وليها نسخة احتياطية لوحدها.
«ليا كام بره؟ ومين اتأخر؟»
صفحة واحدة فيها كل اللي عليه فلوس، والمتأخر بالأحمر، وتذكير بدوسة.
شوف البرنامج بنفسك
دي شاشات البرنامج الحقيقية على الموبايل (بأسامي تجريبية).
كل اللي البرنامج بيعمله
مش محتاج تبقى محاسب. كل ميزة معمولة لحاجة بتحصل في شغلك كل يوم.
العملا والفلوس اللي بره6 ميزات
- كشف حساب واتساب في ثانيةPDF شكله محترم باسم شركتك واللوجو بتاعك، فيه كل فاتورة ودفعة والرصيد بعد كل حركة.
- لينك كشف حساب للعميلتبعتله لينك يفتحه من موبايله ويشوف رصيده متحدث لوحده، واللينك بيقفل بعد 30 يوم أو لما تلغيه.
- مواعيد السداد والمتأخرينمدة دفع لكل عميل بتتكتب على الفاتورة، وصفحة فيها اللي فات ميعاده واللي ميعاده الأسبوع ده.
- تذكير بالفلوس بدوسةرسالة واتساب مهذبة جاهزة بالمبلغ، تبعتها للمتأخر من غير إحراج.
- كارت الصبحأول ما تفتح: "النهارده محتاج تتابع" مين ميعاده النهارده ومين اتأخر.
- الموردين بكشوفهمنفس الكلام للموردين: عليك كام لكل واحد، ودفعتله إمتى.
الفواتير والبيع7 ميزات
- فاتورة بيع وشرا بالأصنافالصنف والكمية والوحدة والسعر، و"زي آخر فاتورة" بتملاها لك في ثانية.
- مرتجع وخصم وتسويةالمرتجع بيرجّع البضاعة للمخزن، والخصم بيظهر في كشف الحساب.
- عروض أسعار تتحول فاتورةالعرض مبيأثرش على الرصيد، ولما الزبون يوافق دوسة "اتنفذ" تعمله فاتورة بنفس البنود.
- الطلبيات والتسعيرسجّل طلبية الزبون وميعادها، وتابعها لحد ما تتسلم.
- أسعار جملة وقطاعيلكل صنف سعرين، ولكل عميل نوعه، والسعر الصح بيتكتب لوحده.
- إذن استلامورقة بالبنود والعدد من غير أسعار، ومكان لإمضاء اللي استلم، وبتتبعت واتساب.
- فاتورة بضريبة 14%بالسعر قبل الضريبة، ورقم مسلسل، وتقرير ضريبة كل شهر. (مش مربوطة بمنظومة الفاتورة الإلكترونية)
المخزن والتصنيع6 ميزات
- رصيد كل صنف لوحدهالبيع بينقّص والشرا بيزوّد والمرتجع بيرجّع، من غير ما تكتب حاجة زيادة.
- قرب يخلصالصنف اللي قرب يخلص بيبان بالأحمر قبل ما تتحرج مع زبون.
- الوحدات والتحويلكرتونة وكيلو وطن ومتر… وكل شركة بتضيف وحداتها، والتحويل بينهم لوحده.
- الباركودبكاميرا الموبايل أو جهاز الباركود العادي، والصنف بينزل في الفاتورة على طول.
- التصنيعالخامات بتطلع منتج: تركيبة لكل منتج، والخامات بتتخصم والمنتج بيزيد.
- الجرد ومكسب الفاتورةجرد بالعدد الحقيقي، ومكسبك في كل فاتورة بيع قدامك انت بس.
الخزنة والمصروفات4 ميزات
- أكتر من خزنةخزنة المحل وخزنة البيت والبنك، والتحويل بينهم بيتسجل.
- المصروفات بأنواعهاإيجار وكهربا ونقل ومرتبات… وكل نوع صرفت عليه كام، ومقارنة بالشهر اللي قبله.
- الشيكاتالشيك ورقمه وميعاده، وإمتى اتصرف.
- مين استلم كامكل واحد في الشغل استلم كام ودفع كام من الخزنة.
الشركاء والموظفينميزتين
- الشركاء والمسحوباتمسحوبات كل شريك باسمه، ومقارنة "مين خد كام" علشان الحساب يبقى واضح.
- الموظفين والمرتباتمرتب شهري أو يومية، وسلف وخصومات ومكافآت، والحضور والغياب.
التقارير4 ميزات
- النهارده والأسبوع والشهر والسنةالمبيعات والمشتريات والمصروفات والتحصيل، ومقارنة بنفس الفترة اللي قبلها.
- الربح وليك كام برهربحك قبل الشركا، وفلوسك عند الناس، وأكتر صنف اتباع.
- ملخص آخر اليومكل يوم الساعة 8:30 بالليل إشعار: اتباع كام واتحصّل كام النهارده.
- إكسيلنزّل كشف الحساب والخزنة والتقارير وقايمة العملا بأرصدتهم إكسيل.
الفريق والأمان4 ميزات
- صلاحيات لكل واحدمحاسب وموظف ومندوب، والمندوب بيشوف عملاءه هو بس. والمنع من السيرفر نفسه.
- اسم اللي سجّل على كل حركةوسجل بكل تعديل والقديم كان إيه، وإشعار ليك لما حد يعدّل أو يلغي.
- مفيش حاجة بتضيعاللي اتلغى بيروح المحذوفات وترجّعه، وقفل الشهر يمنع أي تعديل في القديم.
- تشفير وبصمةالحسابات متشفرة بكلمة السر، وفتح بالبصمة، وقفل لوحده لو سبت الموبايل، وتطلّع أي جهاز ضاع.
الراحة والشغل اليومي6 ميزات
- من غير نتسجّل في المخزن أو عند الزبون، وأول ما النت يرجع كله بيتبعت.
- كل الأجهزة مع بعض لحظة بلحظةاللي بيتسجل على موبايل بيظهر على اللاب وعلى موبايل شريكك على طول.
- أيقونة على الموبايل واللابأندرويد وآيفون واللاب، من غير متجر ومن غير تنزيل تقيل.
- نسخ احتياطيةنسخة كل يوم على اللاب، ونسخة أسبوعية متشفرة، وتنزّل نسختك في أي وقت.
- نقل حساباتك القديمةإكسيل أو صور الدفتر، وإحنا ننقلها لك ببلاش.
- شرح ودعمعلامة "؟" في كل شاشة بتشرحها، وزرار يكلم الدعم واتساب.
تبدأ إزاي؟
في نفس اليوم تكون شغال.
كلّمنا واتساب
قولنا شغلك إيه، ونجهزلك البرنامج باسم شركتك واللوجو بتاعك.
ابعت حساباتك القديمة
ملف إكسيل أو حتى صور الدفتر، وإحنا ننقلها ببلاش.
جرّب 10 أيام
على موبايلك واللاب، ولو عجبك تكمل.
جرّب فلاش 10 أيام ببلاش
من غير فيزا ومن غير أي التزام.
- ✓ نقل حساباتك القديمة علينا
- ✓ باسم شركتك واللوجو بتاعك
- ✓ دعم على الواتساب
أسئلة بتتسأل كتير
محتاج أكون فاهم في الحسابات؟
لأ. البرنامج معمول لصاحب الشغل نفسه: فاتورة، دفعة، وكشف حساب. والحسابات بتتحسب لوحدها.
بيشتغل على الموبايل ولا اللاب؟
الاتنين. أندرويد وآيفون واللاب، من غير ما تنزّل حاجة من المتجر، وكل الأجهزة متزامنة مع بعض.
بياناتي في أمان؟
البيانات متشفرة على جهازك بكلمة السر، وليها نسخ احتياطية، وتقدر تنزّل نسخة منها في أي وقت. التفاصيل في سياسة الخصوصية.
لو النت فصل؟
البرنامج بيكمّل شغل عادي، وأول ما النت يرجع كل حاجة بتتبعت لوحدها.
بيطلّع فاتورة ضريبية؟
أيوه، فاتورة فيها ضريبة 14% وتقرير ضريبة كل شهر. بس البرنامج مش مربوط بمنظومة الفاتورة الإلكترونية بتاعة الضرائب، فلو شركتك ملزمة بيها هتبعت فواتيرك عليها بنفسك.
بكام؟
على حسب الميزات اللي محتاجها شغلك. كلّمنا على الواتساب ونقولك السعر المناسب، وجرّب الأول 10 أيام ببلاش.